Caleg vs Panangga

2
674

Ra sude do hita mananda panangga (biang). Mansai dihaporluhon do on di sada huta laho manjaga huta i sian angka panangko. Suang songoni do nang di na manjaga angka ulok na ro tu huta, pintor rade do roha ni panangga laho paboahon tu tuanna na adong ro jea manjonok tu jabu.

Laos songoni do nang angka tuanna tu panangga. Mansai holong situtu do roha nasida. Alani holong na tu panangga, angka inanta molo mulak sian parpestaan sai diboan do siallangon tu panangga na be. Alani, na marsiholongan i, somal na ndang mabiar panangga mangalo angka halak na ro tu huta. Pintor sai mangaungi do nasida molo di ida adong na ro angka jolma na so tinanda na.

Alai diparpudian ni ari on, gabe asing do pangalaho ni panangga di angka huta. Molo di ida nasida adong ro jolma na asing jala marmobil na bagak, ndang be mangaung nasida, alai pintor martabuni nama. Aha mambahen songoni? Alana na ro i, jala parmobil na bagak i caleg do.

Molo sinungkun tu sada panangga, “boasa ma biar mangida caleg?”, sude do sarupa alus na sida. Molo dipapungu caleg angka jolma di huon, ba pintor hami do naeng di seat laho allangonna. Ba, ndang lomo dope roha nami gabe marganti goar, sian panangga gabe margoar jagala…

2 COMMENTS

  1. Mohon Doa dan Dukungan Penuh dari Punguan Simanjuntak Sitolu Sada Ina,boru dan bere…Saya Ir.Leo Kalvinus Simanjuntak Calon Legislatif dari daerah Pemilihan SUMUT III (Langkat,Binjei,Tanah Karo,Pakpak Barat,Dairi,Simalungun,Siantar,Tanjung Balai,Asahan,Batubara)mangido tu Ompung,Bapa Tua/i tua,Bapa Uda/i uda,ito/lae dohot angka bere manamiangkon laos mandukung hami.
    Biarlah orang muda diberi kesempatan untuk maju menggantikan orang tua kita agar dapat orang muda berkarya membangun bangsa dan negara serta suku dan keluarganya untuk lebih maju dalam Negara Kesatuan Republik Indonesia(NKRI) yang kita cintai ini.Andigan pe boe tongkat estafet kepemimpinan Negarantaon dileon tu naposo,molo tong do natua-tua nami dang mangaleon kesempatan tu angka hami naposoon???
    Biarlah natua-tua nami gabe penasehat nami paboaon nadenggan dohot naso denggan.Horasma dihita sude, biarlah perjuanganta selalu dalam Iman,Pengharapan dan Kasih….Horas!!!

  2. Ai masa dope di huta muna songoni ate lae? .Molo di Sidikalang dang mabiar be angka panangga , alana dang masa be maneat biang molo kampanye atau sosialisasi caleg.Namasa nuaeng molo di huta-huta, gabe gok ma torus angka massa i di kode kode, mana tau lewat caleg,Tarhilala pasi tuak.
    Boi do sampe tolu jom angka ama-ama i huddul-huddul di lapo paima imahon angka caleg na ro tu hutana.Sipata sampe sogo ma rohani angka parlapo.Alana boi do holan sagalas tuak sampe tolu jom.
    Jadi napaduahon, molo sosialisasi hami tu huta-huta, sude do angka pangkataion jadi UUD ( ujung-ujung nya Duit).Istilah adatnya “Togu-togu Ro “.
    Songoni ma hami dilapangan. Ngeccut-ngeccut, Kangkung Genjer, Marpetor Loba tu Balanga, akhirnya sahat Tu Togu-togu Ro do hape akhirna.Molo dang adong i dang nalaho pillithon na Hita, songoni ma ninna masarakat i tu hami. Alana baru marpesta dope hita nattoari (pilkada maksudna ) Songoni do pangalohona.
    Jadi Angka Biang,eh Panangga dang mabiar be saonnari tu caleg. Molo ro parmobil tu huta i gabe biang i do um gogo suarana manggonggong, paboahon naro nasida tu tuanna . “Ngaro caleg Woii, pasahathon Togu-togu ro”, songoni ma pikkiranni amantta i. Hape panangko do naro tu huta i. Hassurrrrr….. Alani Biang, eh.. panangga i do hape.
    Horas ma tu Hita sude.

LEAVE A REPLY